پناهندگان ایرانی در ترکیه
پناهندگیپناهندگان ایرانی در ترکیه
پناهندگیسێ شەممە ٢٠١٢/٨/١٤ چوار پەنابەری کوردی ڕۆژهەڵاتی کوردستان لەپێش بارەگای
سەرەکی نەتەوەیەکگرتووەکان لە ئەنقەرە پایتەختی تورکیا مانیان لەخواردن گرتووە.
لەپەیوەندیەکی تەلەفۆنیدا یەکێک لەو مانگرتووانە کاک کامەران عەبدوڵازادە فەرد بەماڵپەڕی فیدراسیۆنی زیندانیانی سیاسی کوردستانی ڕاگەیاند : لەبەرئەوەی ئێمە کوردین لەلایەن کۆمیسیۆنی باڵای پەنابەرانی سەربە نەتەوەیەکگرتووەکان لە ئەنقەرە پشتگوێخراوین بێبەشین لەبچوکترین ماف ، ئێمە چەندین ساڵە چاوەڕوانین لەڕێگەی نەتەوەیەکگرتووەکان بچینە ووڵاتی سێیەم وەکو پەنابەر ، بەڵام کۆمیسیۆنی ناوبراو پێمان دەڵێن لەبەرئەوەی ئێوە کوردن بۆ پارتە سیاسیە کوردیەکان کارتانکردوە ئە ووڵاتانە وەرتان ناگرن ، ئێمەش دوای بەدواداچوونمان بۆمان دەرکەوتووە نەتەوەیەکگرتووەکان ڕاستناکات بەڵکو بەخۆیان ڕێگری لەدەرچوونی ئێمە دەکەن بۆ ووڵاتێکی سێیەم ، چەندین ساڵە ئێمەیان بێبەش کردوە لەمافەکانی ئابوری و پزیشکی و تادەگاتە بچووکترین مافەکانی پەنابەران بەپێی بنەما نێودەوڵەتیەکان ، بەم هۆیەوە ئێمە چوارکەس مانگرتنمان لەخواردن دەستپێکردوە ، هەرچەندە دەوڵەتی تورکیا هەڕەشەی لێمانکردووە بەهۆی مانگرتنمان بەڵام ئێمە هەر بەردەوامدەبین تا داواکاریەکانمان دێتەدی .
ناوی پەنابەرانی بەشداربوو لەمانگرتنەکە بەم شێوەیە:
کامەران عەبدوڵازادەفەرد – 6 ساڵە لەتورکیا لەچاوەڕوانیدایە
بێهزاد میرخان پور – ماوی 9 ساڵە لەتورکیا لەچاوەڕوانیدایە
شاجان عەبدوڵازادە فەرد – 3 ساڵە لەتورکیا لەچاوەڕوانیدایە
فاخیر عەبدوڵازادە فەرد – ماوەی 2 ساڵە لەتورکیا لە چاوەڕوانیدایە
لەکۆتاییدا کامەران لەسەرناوی مانگرتوان داوا لەهەموو مرۆڤدۆستێک دەکات پشتگیریان بکات و هاوکاریان بکەن لەپێناو هێنانەدی مافە سروشتیەکانیان .
F.P.P.K
16.08.2012
قابل توجه پناهندگان ایرانی در ترکیه
وبلاگ پناهندگان ایرانی در ترکیه در جهت انعکاس مشکلات پناهندگان ایرانی در ترکیه فعالیت مجدد خود رو اغاز میکند
مطالب خود را چهت درج به این ادرس ارسال فرمائید shahin_bc@yahoo.com
محتوای مطالب باید فقط انعکاس خواستها و مشکلات پناهندگان باشد
از درج مطالب بی ربط به عنوان وبلاگ معذوریم
با تشکر
راگه‌یه‌ندراو
پارێزه رانی مافی مرۆڤ!
ئازادیخوازانی جیهان!
زیاتر له شه‌ش ساڵه په‌نابه‌رانی کوردی ئێرانی (شمال عێراق) له که‌ین و به‌ستێکی نێوان کۆمیساریای به‌رزی په‌نابه‌ران و حکومه‌تی تورکیه دا ده‌س به سه‌ر کراون، بێته‌فاوه‌تی کۆمیساریای به‌رزی په‌نابه‌ران و که‌م لوتفی رێکخراوه سیاسیه‌کانی کوردستانی و ئێرانی له حاست ئه‌م تراژیدیا ئینسانیه دا رۆژ به رۆژ که‌متر و بێ ره‌نگ تر ده‌بێ. له ماوه‌ی ئه‌م شه‌ش ساڵه دا ئێمه به سه‌دان جار ده‌نگی ناره‌زایه‌تی خۆمان دژ به‌م سیاسه‌ته ناعادڵانه‌ی کۆمیساریای به‌رزی په‌نابه‌ران و داوای ره‌وا و به‌ر حه‌ق و ئینسانیمان به گوێی جیهانیان و لایه‌نه پێوه‌ندیداره‌کان
راگه‌یاندوه،به‌ڵام به داخه‌وه داواکاری و راگه‌یه‌ندراو و بانگه‌وازه‌کانی ئێمه له حاست ژیان چاره‌نووسی هه‌زار و
دووسه‌د ئینسانی بێ په‌ناه به هێند وه‌رنه‌گیراون .
له گه‌رمه‌ی هه‌ڵایسانی شه‌ڕێکی تر له ناوچه‌که‌دا، ماوه‌یه‌ک له‌مه‌وبه‌ر به نوسراوه‌یه‌کی ره‌سمی کۆمیساریای به‌رزی په‌نابه‌رانمان له وه‌زعییه‌تی دژواری ئه‌م په‌نابه‌رانه ئاگادار کردۆته‌وه ونیگه‌رانی خۆمانمان پێ راگه‌یاندون
و ئه‌و کۆمیساریایه‌مان به به‌رپرس زانیوه له حاست ئه‌و رووداوانه‌دا که داوێن گیرمان ده‌بێته‌وه و داوامان لێ کردوون که له‌وه زیاتر ده‌رهه‌ق به کێشه‌ی ئه‌و کۆمه‌ڵه ئینسانه بێته‌فاوه‌ت نه‌بن. به‌ڵام له وڵامی هه‌ر پێشهات وخه‌ته‌رێک که بۆ ئێمه دێته پێش، ده ڵێن ئێمه له گه‌ڵ حکومه‌تی تورکیه پێک هاتوین که به هیچ شێوه‌یه‌ک ئه‌و 1200 په‌نابه‌ره دیپۆرتی ئێران و عێراق نه‌کرێنه‌وه.
به‌شێکی به‌رچاو له‌و په‌نابه‌رانه به هاوکاری دۆست و بنه‌ماڵه‌کانیان به شێوه‌ی غه‌یره قانوونی (قاچاخ) له ڕێگای
وڵاتانی دراوسێی تورکیه‌وه خۆیان له ده‌ستی ناعه‌داڵه‌تی کۆمیساریای به‌رزی په‌نابه‌ران نه‌جات بده‌ن و بگه‌نه وڵاتانی ئوروپایی و له‌و وڵاتانه داوای په‌نابه‌ری بکه‌ن.هه‌رچه‌ند له‌م رێگایه‌شدا زۆر که‌س تووشی گیران و زیندان و دیپۆرت و ده‌یان نه‌هامه‌تی و کوێره‌وه‌ری بوون و هه‌ر ئێستاش زیاتر له بیست که‌س له‌م په‌نابه‌رانه به ژن و مناڵه‌وه له زیندانه‌کانی حکومه‌تی یونان دا چاوه‌روانی چاره‌نووسیکی نادیار ده‌که‌ن.
سه‌رله‌به‌یانی رۆژی هه‌ینی 19 ئوکتوبر یه‌کێک له‌م په‌نابه‌رانه به ناوی ئه‌ییوب پڕنیانی (قه‌ره‌گوێزی) له کاتی چوونی بۆ خۆناساندن به پۆلیس (ئیمزا) له ئه‌منییه‌تی شاری (وان) قۆڵبه‌ست ده‌کرێ وبه ژن و مناڵه‌وه ره‌وانه‌ی سنوری ئێران ده‌کرێته‌وه که تا ئێستا له چاره‌نووسی هیچ هه‌واڵێک له ده‌ست دا نییه.
به پێی قسه‌ی شاهیدێک که ئاگاداری روداوه‌که بووه،ئه‌ییوب داوا و پاڕانه‌وه‌یه‌کی زۆری له مه‌ئمورینی پۆلیس کردوه که به هۆی خه‌ته‌ری گیانی راده‌ستی حکومه‌تی ئێران نه‌کرێته‌وه، به‌ڵام داواکه‌ی قبووڵ ناکرێ و پێی
راده‌گه‌یه‌نن که ئه‌مه ده‌ستوره و ئیمه ده‌بێ جێبه‌جیی بکه‌ین. له گه‌ڵ ئه‌وه‌ی که به زویی ئۆفیسی یوئێن له شاری (وان) ئاداری ئاگاداری ئه‌م رووداوه کراوه‌ته‌وه، به‌ڵام به داخه‌وه هیچ هه‌نگاوێکیان بۆ به‌رگری له دیپۆرتی ئه‌م په‌نابه‌ره هه‌ڵنه‌گرتوه .
ئێمه له گه‌ڵ ئه‌وه‌ی که داخ و که‌سه‌ری خۆمان له حاست ئه‌م رووداوه دڵته‌زێنه ده‌رده‌بڕین، رووی قسه‌مان ده‌که‌ینه کۆمیساریای به‌رزی په‌نابه‌ران و له حاست گیان و ئه‌منییه‌تی ئه‌ییوب و ژن و مناله‌که‌یدا ئه‌و کۆمیساریایه به به‌رپرس ده‌زانین.
بۆ جارێکی تریش داوا له رێکخراوه کوردستانیه‌کان، ناوه‌نده به‌شه‌ردۆسته‌کانی جیهان و هه‌موو ئازادیخوازان ده‌که‌ین که بۆ پاراستنی گیانی ئه‌و په‌نابه‌رانه بێده‌نگ و بێته‌فاوه‌ت نه‌بن و ناڕه‌زایه‌تی خۆتان له به‌رانبه‌ر ئه‌م
سیاسه‌ته‌ی کۆمیساریای به‌رزی په‌نابه‌ران و حکومه‌تی تورکیه ده‌رببڕن. هه‌ر له‌م کاته‌دا داوا له ئه‌ندامان لایه‌نگر و
دۆستانی حیزب و رێکخراوه کوردستانیه‌کان ده‌که‌ین که رووی فشار و داواکاریه‌کانیان بکه‌نه سه‌رکردایه‌تی حیزبه‌کانیان بۆ ئه‌وه‌ی که له‌وه زیاتر له حاست چاره‌نووسی ئه‌م تێکۆشه‌رانه‌ی که تا دوێنێ هاورێ و هاورێبازتان بوون بیده‌نگ و بێته‌فاوه‌ت نه‌بن و هه‌نگاوێکی جیددی و عه‌مه‌لی بۆ چاره‌سه‌ری کێشه‌که‌یان هه‌ڵبگرن و ئیتر ئێمه و
ئێوه‌ش بۆ جارێکی ترشاهیدی ئه‌و روداوه تاڵانه نه‌بین که ماوه‌ی چه‌ند ساڵه به ده‌ستیه‌وه ده‌ناڵێنین.بێده‌نگی و بێته‌فاوه‌تی له حاست ئه‌م روداوه وچاره‌نووسی ئه‌و ئازادیخوازانه، حاشا کردنه له رابردوو و خه‌بات و فیداکاری
چه‌ند ساڵه‌یان و مێژوو رووداوه‌کان وه‌ک خۆی ده‌نووسێته‌وه.
هه‌یئه‌تی نوێنه‌رایه‌تی په‌نابه‌رانی کئردی ئێرانی-تورکیه
19/10/2007